最新嘅科技資料、潮流玩意，都有《Z世代達人》麥卓華到處搜羅送到你面前！

大家無論在生活中或工作上，都時不時要使用 Windows 視窗作業系統既電腦。雖然智能手機越來越強大，但始終取代唔到Windows的地位。現時Windows最新既版本係Windows 10，今日就同大家分享下在Windows 10 入面既一啲秘技啦！

Wifi唔會亂Download野

Wifi一向都俾人有一種「無限用」既感覺… 其實唔只Wifi，你既手機或者電腦一直都係咁諗，所以當你連接Wifi時，在背後就會幫你下載更新、備份等等。但如果你用緊既係流動Wifi蛋，Wifi又係續MB計，咁連接電腦會唔會一下子就用晒D數據？

原來Windows 10 都有個貼心既選項，當你連接左Wifi後，按Wifi名下面既「內容」，之後將個選單拉落去，見到「計量付費連線」又或者英文版「Metered Wifi」，設定為開啟，電腦就知道你現在身處既係要續MB計既數據，相關既背景操作亦都會暫時停止。

提提你，如果你在一D公共場所使用免費Wifi服務，由於通常都會限制速度，你都可以開啟呢個功能，停左背景可能發生既數據流量，你上網頁或者雲端空間拎文件無左多餘既下載，自然就會爽D啦！

Windows都可以做Wifi蛋

有時我地在酒店登入Wifi後，發現原來只可以俾幾部裝置用，點數都唔可以駁齊，咁點算？ 大部份既Windows 10電腦原來都有內置既Wifi蛋功能，只要按右下角既「通知」，見到「行動熱點」既按鈕，右Click落去就可以設定… 來到設定頁面，只要按「編輯」就可以入番你想要既Wifi名同密碼… 下次只要按 「行動熱點」就可以一鍵開啟電腦Wifi蛋呢個功能喇！

《Z世代達人》
主持：麥卓華